„Procter&Gamble-ის” საპნის ოპერა

მილიარდოლარიანი ღირებულების კატეგორიაში შემავალი ბრენდები: „არიელი", „ჯილეტი", „პამპერსი", „ველა", „თაიდი", „მაქს ფაქტორი", „დურასელი", „პანტინი", „ბრაუნი" და „ორალ-ბი" მსოფლიოში ყველაზე მეტად მოხმარებადი პროდუქციაა. ამ საქონლის გაყიდვები დღითიდღე მატულობს, თუმცა ცოტამ თუ იცის რა აერთიანებთ მათ. ყოველი მათგანი კომპანია „Procter&Gamble-ის” საკუთრებაა.

კომპანიის სახელწოდება ორი ნაწილისგან შედგება. ვილიამ პროკტერი სანთლებს, ხოლო ჯეიმს გეიმბლი საპონს აწარმოებდნენ. თუმცა, რომ არა დები, რომელზეც მათ იქორწინეს, ისინი შესაძლოა ვერასოდეს შეხვედრილიყვნენ. მეწარეები 1837 წელს გაერთიანდნენ და საკუთარი კომპანია „Procter&Gamble” დაარსეს.

პირველი მილიონ დოლარიანი მოგება „Procter&Gamble-მა” 1859 წელს მიიღო. ამ დროისთვის კომპანიაში 18 ადამიანი მუშაობდა. გაყიდვებმა პირველი მსოფლიო ომის დროს იმატა. ამერიკელი ჯარისკაცები კონტრაქტის თანახმად სწორედ „Procter&Gamble-ის” საპონს მოიხმარდნენ.

1890 წლიდან კომპანია საპნის წარმოებაზე ფოკუსირდება, უშვებს ძვირიან, მაგრამ 30 სახის უცხო სურნელოვან პროდუქციას. სანთლის წარმოებას კი 1920 წელს წყვეტს. ტერმინი „საპნის ოპერა” სწორედ ამ კომპანიას უკავშირდება. ის მას მერე გაჩნდა, რაც „Procter&Gamble-მა” რადიო გადაცემების დაფინანსება დაიწყო.

2007 წლის სარეკლამო კამპანიაზე „Procter&Gamble-მა” 2,62 მილიარდი დოლარი გამოჰყო. აღსანიშნავია, რომ მსხვილი ამერიკული კომპანიები რეკლამაზე ასეთ თანხას იშვიათად ხარჯავენ. დღეისათვის კომპანიაში დაახლოებით 138.000 ადამიანია დასქმებული. „Procter&Gamble-ის” შემოსავალმა წელს 79 მილიარდი ა.შ.შ. დოლარი შეადგინა, აქედან სუფთა მოგება კი 13.4 მილიარდია.